Óskemen qalasynda qatty jelden eki balanyń ústine aialdama pavilony qulady, dep habarlaidy Ulysmedia.kz.
Qalalyq Turǵyn úi-kommýnalyq sharýashylyǵy, jolaýshylar kóligi jáne avtomobil joldary bóliminiń málimetinshe, 27 maýsymda qatty jeldiń saldarynan shahar boiynsha kommýnikatsiia symdary úzilip, aǵashtar qulady. Trotýarlar men qala kóshelerin aǵashtar, úlken butaqtar jaýyp qaldy.
Sondai-aq jelden tramvailar 3 baǵytta ýaqytsha qatynamady. Gagarin býlvary jáne Ótepov kóshelerindegi aialdama pavilondary qulap, 10 jáne 12 jastaǵy eki qyz zardap shekti. Qazirgi ýaqytta olar qalalyq aýrýhanaǵa jatqyzylǵan. Dárigerler qajetti meditsinalyq kómek kórsetýde.
«Barlyq jerge «Taza Óskemen» kásipornynyń mamandary attandy. 10 brigada arnaiy tehnikalarmen joldardy, kóshelerdi tazartty. Gagarin býlvary aialdamasynyń pavilony «QazÁlem» atty merdiger kompaniianyń kepildiginde. Ótepov aialdamasyna «Taza Óskemen» mekemesi qyzmet kórsetedi. Osy eki jaǵdai boiynsha jaýapty uiymdardyń kinási bar-joqtyǵyn anyqtaý úshin ishki aýdit júrgiziledi», - delingen aqparatta.
