Oblys ortalyǵyndaǵy iri saýda ortalyqtarynyń birinde birneshe ret jasalǵan urlyq faktisi tirkeldi, dep habarlaidy Ult.kz.
Qańtar-aqpan ailary aralyǵynda er adam saýda zalynan birneshe ret taýar urlaǵan. Ol óz áreketin eshkim baiqamaǵan sátterdi paidalanyp, zattardy syrtqy kiimniń ishine jasyryp, aqysyn tólemesten dúkennen shyǵyp ketip otyrǵan.
Kúdiktiniń negizgi nysanasy — tátti boldy. Ol jalpy sany 80 qorap Merci shokoladyn jymqyrǵan. Budan bólek, kúdikti kosmetikalyq quraldardy, azyq-túlik pen jeke gigiena zattaryn da qoldy qylǵan.
Osyndai zańsyz áreketterdiń saldarynan saýda uiymyna 250 myń teńgeden astam materialdyq shyǵyn keltirildi.
Kezekti urlyq áreketi kezinde kúdiktiniń jeke basy ShQO PD jedel basqarý ortalyǵynyń beinebaqylaý kameralarynyń kómegimen anyqtalyp, ustaldy.
Qazirgi ýaqytta atalǵan fakti boiynsha tergeý amaldary júrgizilip jatyr. Kúdiktige qatysty kúzetpen ustaý bultartpaý sharasy tańdaldy.
