وبلىس ورتالىعىنداعى ٸرٸ ساۋدا ورتالىقتارىنىڭ بٸرٸندە بٸرنەشە رەت جاسالعان ۇرلىق فاكتٸسٸ تٸركەلدٸ, دەپ حابارلايدى Ult.kz.
قاڭتار-اقپان ايلارى ارالىعىندا ەر ادام ساۋدا زالىنان بٸرنەشە رەت تاۋار ۇرلاعان. ول ٶز ەرەكەتٸن ەشكٸم بايقاماعان سەتتەردٸ پايدالانىپ, زاتتاردى سىرتقى كيٸمنٸڭ ٸشٸنە جاسىرىپ, اقىسىن تٶلەمەستەن دٷكەننەن شىعىپ كەتٸپ وتىرعان.
كٷدٸكتٸنٸڭ نەگٸزگٸ نىساناسى — تەتتٸ بولدى. ول جالپى سانى 80 قوراپ Merci شوكولادىن جىمقىرعان. بۇدان بٶلەك, كٷدٸكتٸ كوسمەتيكالىق قۇرالداردى, ازىق-تٷلٸك پەن جەكە گيگيەنا زاتتارىن دا قولدى قىلعان.
وسىنداي زاڭسىز ەرەكەتتەردٸڭ سالدارىنان ساۋدا ۇيىمىنا 250 مىڭ تەڭگەدەن استام ماتەريالدىق شىعىن كەلتٸرٸلدٸ.
كەزەكتٸ ۇرلىق ەرەكەتٸ كەزٸندە كٷدٸكتٸنٸڭ جەكە باسى شقو پد جەدەل باسقارۋ ورتالىعىنىڭ بەينەباقىلاۋ كامەرالارىنىڭ كٶمەگٸمەن انىقتالىپ, ۇستالدى.
قازٸرگٸ ۋاقىتتا اتالعان فاكتٸ بويىنشا تەرگەۋ امالدارى جٷرگٸزٸلٸپ جاتىر. كٷدٸكتٸگە قاتىستى كٷزەتپەن ۇستاۋ بۇلتارتپاۋ شاراسى تاڭدالدى.
