Foto: © Turar Qazanǵapov
Óskemende mamandandyrylǵan balalar úiiniń direktory men bas esepshisi 63 million teńgeni jymqyrdy degen aiyppen sottaldy, - dep habarlaidy Tengrinews.kz.
Óskemenniń №2 soty baspasóz qyzmetiniń málimetinshe, sot úkimi búgin shyqty. "Óskemen qalasyndaǵy mamandandyrylǵan balalar úii" KMK-da 2015-2019 jyldar aralyǵynda balalarǵa bólingen biýdjet qarajatyn jymqyrý deregi oryn alǵany anyqtaldy.
Eske salaiyq, barlyǵy 63 150 581 teńge urlanǵan.
"Óskemenniń № 2 soty qylmystyq isti qaraýǵa kiristi. Biýdjet qarajatyn jymqyrý aiyptary Mamandandyrylǵan balalar úiiniń burynǵy qyzmetkerlerine - eks-direktorǵa, bas esepshige jáne kadrlar bóliminiń mamanyna qatysty taǵyldy. Olar 2015 jyldyń naýryzynan 2018 jyldyń jeltoqsanyna deiin 63 million teńge jymqyrǵan", - dedi Shyǵys Qazaqstan oblystyq soty tóraǵasynyń mindetin atqarýshy Qairat Shaqpantaev.
Sot málimetinshe, olarǵa Qylmystyq kodekstiń 189-baby boiynsha aiyp taǵyldy. Bul bapqa sáikes, aiyptalýshylar múlki tárkilenip, 7-den 12 jylǵa deiin bas bostandyǵynan aiyrylady.
