Óskemen qalasynda 14 jyl boiy zańsyz turǵan Resei Federatsiiasynyń azamaty jaýapqa tartyldy, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, «Migrant» jedel aldyn alý sharasy barysynda tártip saqshylary uzaq ýaqyt boiy el aýmaǵynda zańsyz turyp kelgen reseilikti anyqtady.
«Resei Federatsiiasynyń 45 jastaǵy azamaty Qazaqstan Respýblikasyna 2006 jyly kelip, 2007 jylǵa deiin tirkeýge turǵan. Alaida tirkeý merzimi aiaqtalǵannan keiin de ol Óskemende tura berdi. Osylaisha, er adam QR halyqtyń kóshi-qony salasyndaǵy zańnamasyn buzǵan», - dedi Óskemen qalalyq PB kóshi-qon qyzmeti bóliminiń bastyǵy Rysbek Yrǵyzbaev.
Atalǵan fakti boiynsha politseiler ÁQBtK-niń 517-babyna sáikes ákimshilik hattama toltyryp, qalalyq mamandandyrylǵan sotqa jiberdi.
