- Óskemen JEO qýaty 120 MVt №12 týrboqurylǵyny iske qosý rásimi ótti, dep habarlady «QazAqparat» HAA tilshisi.
Atalmysh rásimge qalalar men oblystardaǵy memlekettik organdardyń, AES korporatsiiasy top-menedjmentiniń ókilderi, onyń ishinde bas operatorlyq direktor Bernerd Da Santos pen Eýropalyq óńirlik bólimsheniń prezidenti Mark Grin qatysty. «Qazaqstan Táýelsizdiktiń 25 jyldyǵyn atap ótýde.
Jańa týrbinany Tuńǵysh Prezident kúni qarsańynda ashyp jatqanymyz óte qýantarlyq jaǵdai. №12 týrboqurylǵy óńir úshin áleýmettik mańyzdy halyqaralyq joba. Onyń qurylysy kezinde 250-ge jýyq jumys orny ashyldy.
Bas merdiger qytailyq SEPCO1 memlekettik kompaniiasy. Sondai-aq qazaqstandyq merdigerler de túrli jumystarǵa tartyldy. Osylaisha, bul joba jergilikti mamandarǵa qundy tájiribe alýǵa múmkindik berdi», - dep atap ótti Qazaqstandaǵy AES kompaniiasy tobynyń prezidenti Dúisen Merǵaliev.
Óz kezeginde direktor B. Da Santos 2016 jyl AES korporatsiiasy úshin de erekshe bolyp tabylatynyn atap ótti. Sebebi kompaniia kúlli álem boiynsha 35 jyldyǵyn, Qazaqstandaǵy jumysynyń 20 jyldyǵyn atap ótýde. Jańa týrbina oblys energiia teńgeriminiń tapshylyǵyn edáýir qysqartady, sondai-aq ShQO-da qaýipsiz, senimdi energiiamen jabdyqtaýdy qamtamasyz etýge múmkindik beredi. Jańa týrbina jylyna 800 mln. kVt*s qýat óndiredi.
Joba Óskemen JEO elektr qýatyn ulǵaitýǵa, sondai-aq qoldanystaǵy bý týrbinalary parkin ishinara aýystyrýǵa baǵyttalǵan. Jańa týrboqurylǵy salý energetikalyq sektorda iri investitsiialyq jobalardyń biri jáne óńirdiń ekonomikasyna oń úles qosa otyryp, stantsiiany aýqymdy jańǵyrtýda mańyzdy qadam bolady. Joba quny 53 mln AQSh dollaryna baǵalandy.
