Óskemen qalasyndaǵy Strelka shaǵynaýdanynda belgisiz bireý quny 22 mln teńgelik «Leksýs-570» kóligin órtep ketken, dep habarlaidy "Ult aqparat".
Politsiia qyzmetkerleri atalǵan fakti boiynsha QR QK-niń 202-baby 3-bóligi boiynsha sotqa deiingi tergeý amaldaryn júrgizýde.
«Jedel-izdestirý sharalary barysynda tártip saqshylary sol mańaidaǵy beinebaqylaý kameralarynyń jazbalarymen tanysyp shyqty. Nátijesinde túngi saǵat 02.00 shamasynda er adam kólikke jaqyndap, aldyńǵy sol dóńgelegine belgisiz suiyqtyq tógip, órtep jibergen soń, birden izin sýytqany anyqtaldy», - dep habarlady ShQO Politsiia departamentiniń baspasóz qyzmeti.
Qazirgi ýaqytta politseiler kúdiktini qolǵa túsirgen. 27 jastaǵy jumyssyz qala turǵyny ýaqytsha ustaý izoliatoryna qamaýǵa alyndy. Qylmystyń sebepteri anyqtalýda.
