Óskemen qalasynyń turǵyny politsiiaǵa terakt týraly jalǵan habar bergen, dep habarlaidy QazAqparat.
Qalalyq politsiia basqarmasy baspasóz qyzmetiniń málimetine súiensek, 16 qarashada tańǵy saǵat 05.13-te «102» jedel arnasyna qońyraý shalǵan azamat terakt bolatyny týraly habar bergen.
«Óz sózinde ol terakttyń Sátpaev dańǵylyndaǵy kópqabatty úilerdiń birinde saǵat 06.00-07.00 shamasynda bolatynyn jetkizdi. Alaida bul aqparat shyndyqqa janaspaityn bolyp shyqty. Politseiler qońyraý shalǵan er adamnyń kim ekenin jedel anyqtaǵan. Mas kúidegi 41 jastaǵy shahar turǵyny ázildegenin aitty», - dedi basqarma bastyǵy Andrei Mýla.
Saraptama nátijesine sáikes, er adam ortasha dárejede mas bolǵan.
Tártip saqshylary ony QR ÁQBtK 438-baby 1-bóligine sáikes ákimshilik jaýapkershilikke tartyp, 30 AEK mólsherinde aiyppul saldy.
