Óskemen garnizonynda merzimdi áskeri qyzmetshi qaza tapty

Foto: ashyq derekkóz

Qurlyq áskerleri baspasóz qyzmeti taratqan aqparatta, áskeri qyzmetshi qaraýyl qyzmetin atqarý kezinde ózine bekitilgen qarýdan ózine oq atyp, alǵan jaraqatynan kóz jumdy delingen, dep habarlaidy Ult.kz.

Atalǵan fakt boiynsha Qazaqstan Respýblikasy IIM Shyǵys óńirlik áskeri-tergeý basqarmasynyń Óskemen bólimi qylmystyq is qozǵady.

«Tergeý múddesine bailanysty ózge aqparat jariia etilmeidi. Qazaqstan Respýblikasy Qorǵanys ministrligi men Qarýly Kúshteriniń basshylyǵy marqumnyń týǵan-týystary men jaqyndaryna kóńil aitady. Otbasyna qoldanystaǵy zańnamaǵa sáikes barlyq qajetti kómek kórsetiledi», – delingen ministrlik habarlamasynda.

Áskeri qyzmetshi ótken jyldyń sáýir aiynda merzimdi áskeri qyzmetke shaqyrylǵan.