Órt saldarynan bes qyzynan aiyrylǵan elordalyq otbasynda ul bala dúniege keldi, dep habarlaidy "Ult aqparat" Táńirbergen Berdońǵarovtyń Facebook paraqshasyna silteme jasap.
«Órt saldarynan balalarynan aiyrylyp, qaiǵyǵa batqan Siter otbasyn sábili bolýlarymen quttyqtaimyn! Janymgúl aiaǵy aýyr bolǵan kezde kóz timeýi úshin bul týraly eshkimge aitpaýymdy ótingen edi. Búgin olardyń shańyraǵynda qýanyshty jańalyq! Ómirge ul keldi!», - dep jazdy Táńirbergen Berdońǵarov.
Ol erli-zaiyptylardy uldy bolýlarymen quttyqtady.
«Sizderdi halyq atynan quttyqtaimyn jáne uldaryńyzdyń nesibesi arta bersin dep tileimiz! Sizderdiń qyzdaryńyzǵa degen úlken mahabbattaryńyzdyń, qaryndastarynyń qurmetine orai laiyqty murager bolsyn! Bul mahabbat ony barlyq jamandyq ataýlydan saqtasyn. Baýy berik bolsyn!», - dep jazdy ol.
Eske sala ketsek, 2019 jyly 4 aqpanda Siter otbasynda búkil eldi dúrliktirgen qaiǵyly oqiǵa boldy. Jer úiden shyqqan órt saldarynan olar bes qyzynan aiyryldy.
