ٶرت سالدارىنان بەس قىزىنان ايىرىلعان ەلوردالىق وتباسىندا ۇل بالا دٷنيەگە كەلدٸ, دەپ حابارلايدى "ۇلت اقپارات" تەڭٸربەرگەن بەردوڭعاروۆتىڭ Facebook پاراقشاسىنا سٸلتەمە جاساپ.
«ٶرت سالدارىنان بالالارىنان ايىرىلىپ, قايعىعا باتقان سيتەر وتباسىن سەبيلٸ بولۋلارىمەن قۇتتىقتايمىن! جانىمگٷل اياعى اۋىر بولعان كەزدە كٶز تيمەۋٸ ٷشٸن بۇل تۋرالى ەشكٸمگە ايتپاۋىمدى ٶتٸنگەن ەدٸ. بٷگٸن ولاردىڭ شاڭىراعىندا قۋانىشتى جاڭالىق! ٶمٸرگە ۇل كەلدٸ!», - دەپ جازدى تەڭٸربەرگەن بەردوڭعاروۆ.
ول ەرلٸ-زايىپتىلاردى ۇلدى بولۋلارىمەن قۇتتىقتادى.
«سٸزدەردٸ حالىق اتىنان قۇتتىقتايمىن جەنە ۇلدارىڭىزدىڭ نەسٸبەسٸ ارتا بەرسٸن دەپ تٸلەيمٸز! سٸزدەردٸڭ قىزدارىڭىزعا دەگەن ٷلكەن ماحابباتتارىڭىزدىڭ, قارىنداستارىنىڭ قۇرمەتٸنە وراي لايىقتى مۇراگەر بولسىن! بۇل ماحاببات ونى بارلىق جاماندىق اتاۋلىدان ساقتاسىن. باۋى بەرٸك بولسىن!», - دەپ جازدى ول.
ەسكە سالا كەتسەك, 2019 جىلى 4 اقپاندا سيتەر وتباسىندا بٷكٸل ەلدٸ دٷرلٸكتٸرگەن قايعىلى وقيعا بولدى. جەر ٷيدەن شىققان ٶرت سالدارىنان ولار بەس قىزىنان ايىرىلدى.
