Ortalyq Aziia jáne Kavkazdyń jeti elinen kelgen 20-dan astam memlekettik qyzmetshiden turatyn delegatsiia memlekettik basqarý men memlekettik qyzmetterdi tabysty tsifrlyq transformatsiialaý úshin ozyq tájiribeler, saiasat jáne tehnologiialardy zerdeleý maqsatynda Koreia úkimeti qarjylandyratyn joba aiasynda Koreianyń mamandandyrylǵan memlekettik organdarynda boldy.
Koreia Respýblikasy Ishki ister jáne qaýipsizdik ministrligi (MOIS) Tsifrlyq úkimet ministriniń orynbasary Sýh Boram, is-sharany asha otyryp, Koreia Úkimeti 2021 jyldan bastap BUUDB jáne Habpen yntymaqtastyqta Ortalyq Aziia jáne Kavkaz elderimen tsifrlyq memleketti basqarý jáne memlekettik qyzmet kórsetý salasyndaǵy ozyq keistermen birlesken joba arqyly belsendi túrde bólisip jatqanyn atap ótti. Sonymen qatar, Sýh myrza Hab jáne onyń qatysýshy elderdiń memlekettik basqarý jáne memlekettik qyzmetter kórsetý salasyndaǵy innovatsiialar men tsifrlandyrý salasyndaǵy áleýetti arttyrýdaǵy belsendi kúsh-jigerlerin joǵary baǵalady.
Ulttyq aqparattyq qoǵam agenttiginiń (NIA) Prezidenti Djong-Sýng Hvan sandyq úkimetti transformatsiialaý, ásirese memlekettik sektordy derekter negizindegi basqarýǵa kóshirý jáne memlekettik tsifrlyq platforma qurý boiynsha yntymaqtastyq pen ozyq tájiribeler jáne ádis-tásildermen almasýdyń mańyzdylyǵyn atap ótti. Ol sondai-aq NIA-nyń BUUDB jáne Habpen yntymaqtastyqty jalǵastyrýǵa daiyn ekendigin málimdedi.
QR Tsifrlyq damý, innovatsiialar jáne aeroǵarysh ónerkásibi ministrliginiń Memlekettik qyzmetter kórsetý komiteti tóraǵasynyń orynbasary Ainur Iýsýpova men Astana memlekettik qyzmet haby joba menedjeri Baqyt Jeksembai óz sózderinde tiimdi sheshimder ázirlep, negizdelgen sheshimder qabyldaýda jetekshi el – Koreia Respýblikasy Úkimetiniń, sondai-aq aimaq elderiniń ozyq tájiribesin zerdelep, olardan sabaq alýda osy jobanyń airyqsha mańyzdylyǵyn atap ótti.
Úsh kúndik is-shara baǵdarlamasy aýqymynda «Koreianyń tsifrlyq transformatsiia tájiribesi» taqyrybynda seminar ótip, Seýl, Sedjon, Pange, Tedjog i Inchhon qalalaryndaǵy memlekettik organdarǵa oqý sapary uiymdastyryldy. Memlekettik qyzmetkerler men praktikter tsifrlyq proaktivti memlekettik qyzmetter, tsifrlyq sáikestendirý júieleri, derekterdi basqarý jáne taldaý ádisteri, tsifrlyq úkimet platformasyna kóshý strategiiasy, sondai-aq smart qalalar úshin innovatsiialyq sheshimder salasyndaǵy tabystardy zertteýge biregei múmkindik aldy. Qatysýshylar sondai-aq óz elderiniń tájiribeleri, jetistikteri men innovatsiialarymen tanystyryp, yntymaqtastyq perspektivalaryn talqylady.
Bul is-shara Astana memlekettik qyzmet haby, BUU Damý baǵdarlamasy (BUUDB), Koreia Respýblikasy Ishki ister jáne qaýipsizdik ministrligi (MOIS) jáne Ulttyq aqparat qoǵamy agenttiginiń (NIA) Koreia úkimeti qarjylandyratyn birlesken jobasy aiasynda uiymdastyryldy.
Aita keteiik, birlesken joba Ortalyq Aziianyń jeti elinde (Qazaqstan, Qyrǵyzstan, Tájikstan, Ózbekstan) jáne Kavkaz (Ázirbaijan, Armeniia, Grýziia) memleketteriniń memlekettik basqarý júiesindegi innovatsiialardy engizýge jáne memlekettik qyzmetterdi tsifrlandyrýǵa qatysatyn memlekettik qyzmetshiler men praktikterdiń áleýetin arttyrýǵa baǵyttalǵan. Joba úsh jylǵa eseptelgen (2021-2023 jj.) jáne zertteý, seminarlar, konferentsiialar, sonymen qatar Koreia Respýblikasyna oqý saparlarynan turady.
