Mańǵystaý ǵajaiyptary: «Orel i reshka» baǵdarlamasynyń jańa shyǵarylymy Ýkrainanyń «Novyi kanal» telearnasynan kórsetildi, dep habarlaidy "Ult aqparat".
Tanymal telebaǵdarlamanyń júrgizýshileri Anton Zaitsev pen Vasilisa Hvostova Mańǵystaýǵa keledi. Olar aldymen Aqtaý halyqaralyq áýejaiynda tiyn tastap tańdaý jasaidy. Dástúr boiynsha, júrgizýshiler saiahatta «Altyn kartany» kim qoldanatynyn jáne 100 dollarǵa kim demalys ótkizetinin anyqtaidy. Baǵdarlamanyń bul shyǵarylymynda Vasilisa Hvostovanyń joly bolmady.
Ol Mańǵystaýdaǵy demalysyn 100 dollarǵa ǵana esepteidi. Al, Anton Zaitsev «Altyn kartany» iemdenedi. Osylaisha, olar oblys ortalyǵy - Aqtaýǵa jol tartady.
Júrgizýshiler Mańǵystaýdyń tabiǵatyn túsirip, óńir turǵyndarynyń ózine tán qasietterin kórsetedi. Sondai-aq, teńiz jaǵasyndaǵy úidiń tóbesinde ornalasqan maiak jaiynda aitady. «Melovaia» maiagi - kópke tanys. Teńiz deńgeiinen 71 metr biiktikte ornalasqan munara -álemdegi sanaýly nysannyń biri. Kaspii teńizi, «Bozjyra» shatqaly men Kógezge barǵandaryn ańǵarýǵa bolady.
Al, ýkrainalyq «Novyi kanal» telearnasynda jaryq kórgen baǵdarlamanyń tolyq nusqasyn myna jerden kóre alasyzdar.
