© Sputnik / Abzal Kaliev
Oralǵa Samara men Toliattiden avtobýs qatynasy jandanady. Birinshi reis búgin, 1 qazanda júredi.
Óńirlik "Moi gorod" basylymynyń aqparatynsha, 28 qyrkúiekte shekaradaǵy jaǵdaiǵa bailanysty Samara men Oralǵa avtobýs qatynasy ýaqytsha toqtatylǵan bolatyn, dep habarlaidy Sputnik Qazaqstan.
Sol kezde Samara oblysyndaǵy "Mashtakovo" shekara beketinde belgisiz bireýler kezekte turǵan reistik avtobýsty aýdaryp, júrgizýshilerge qoqan-loqqy kórsetken.
Oraldaǵy avtovokzaldyń basshysy Talǵat Bisekenovtiń aitýynsha, jolaýshylardyń qaýipsizdigi úshin olar Oraldan Samara men Toliattige baratyn reisti de toqtatqan.
Sondai-aq suranysqa bailanysty avtovokzal Astana men Almatyǵa turaqty emes reisterdi iske qosty.
