Oral qalasyndaǵy Nazarbaev ziiatkerlik mektebiniń 12S synybynda oqityn Alina Moldaǵalieva – «Altyn belgiden» úmitker úzdik oqýshy. Bilimpaz óren qazirdiń ózinde AQSh pen Gonkongtiń 11 joǵary oqý ornynan shaqyrtý alyp otyr.
Alinanyń tańdaýy AQSh-tyń Pensilvaniia shtaty Filadelfiia qalasyndaǵy Drexel University bilim ordasyna túsip tur. Ol munda Chemical Engineering (himiialyq injeineriia) mamandyǵy boiynsha bakalavr jáne magistr dárejesin alyp shyqpaq. Bilimdi boijetken bul múmkindikke AQSh prezidentiniń grantyn jáne Drexel bilim grantyn utyp alyp qol jetkizgen.
Alina Moldaǵalieva budan bólek Máskeý fizika-tehnika institýtynda ótken halyqaralyq himiia olimpiadasynyń júldegeri, BUU modeli mektep konferentsiiasynyń Best Speech Certificate (Úzdik sóz) sertifikat iegeri, FLEX lider almasý baǵdarlamasynyń finalisi, AQSh-tyń Johns Hopkins University oqý ornynda ótken CTY qatysýshysy, shańǵy jarysynan qala chempiony, sporttyq-baldyq bi boiynsha oblys jeńimpazy atanǵan, san qarly talant iesi. Áleýmettik ortadaǵy qozǵalystarǵa da belsene aralasatyn Alina Ironman 70.3 Astana jáne Global Conference on Primary Health Care sekildi iri halyqaralyq sharalarǵa volonter bolyp qatysqan.
- Ziiatkerlik mekteptiń maǵan bergen múmkindigine zor jaýapkershilikpen qaraimyn. Men ielengen 11 oqý grantynyń altaýy tolyq grant bolsa, qalǵan ýniversitetter oqýǵa jeńildik usyndy. Men tańdaǵan Pensilvaniia shtatyndaǵy Drexel ýniversitetiniń bir artyqshylyǵy – 1-kýrstan bastap kompaniialarda jumys istep, tájiribe jinaqtaýǵa múmkindik beredi. Keleshekte Otanyma kelip, himiialyq injeneriia salasyn damytqym keledi, - deidi Alina.
