ورال قالاسىنداعى نازارباەۆ زيياتكەرلٸك مەكتەبٸنٸڭ 12س سىنىبىندا وقيتىن الينا مولداعاليەۆا – «التىن بەلگٸدەن» ٷمٸتكەر ٷزدٸك وقۋشى. بٸلٸمپاز ٶرەن قازٸردٸڭ ٶزٸندە اقش پەن گونكونگتٸڭ 11 جوعارى وقۋ ورنىنان شاقىرتۋ الىپ وتىر.
الينانىڭ تاڭداۋى اقش-تىڭ پەنسيلۆانييا شتاتى فيلادەلفييا قالاسىنداعى Drexel University بٸلٸم ورداسىنا تٷسٸپ تۇر. ول مۇندا Chemical Engineering (حيمييالىق ينجەينەرييا) ماماندىعى بويىنشا باكالاۆر جەنە ماگيستر دەرەجەسٸن الىپ شىقپاق. بٸلٸمدٸ بويجەتكەن بۇل مٷمكٸندٸككە اقش پرەزيدەنتٸنٸڭ گرانتىن جەنە Drexel بٸلٸم گرانتىن ۇتىپ الىپ قول جەتكٸزگەن.
الينا مولداعاليەۆا بۇدان بٶلەك مەسكەۋ فيزيكا-تەحنيكا ينستيتۋتىندا ٶتكەن حالىقارالىق حيمييا وليمپياداسىنىڭ جٷلدەگەرٸ, بۇۇ مودەلٸ مەكتەپ كونفەرەنتسيياسىنىڭ Best Speech Certificate (ٷزدٸك سٶز) سەرتيفيكات يەگەرٸ, FLEX ليدەر الماسۋ باعدارلاماسىنىڭ فيناليسٸ, اقش-تىڭ Johns Hopkins University وقۋ ورنىندا ٶتكەن CTY قاتىسۋشىسى, شاڭعى جارىسىنان قالا چەمپيونى, سپورتتىق-بالدىق بي بويىنشا وبلىس جەڭٸمپازى اتانعان, سان قارلى تالانت يەسٸ. ەلەۋمەتتٸك ورتاداعى قوزعالىستارعا دا بەلسەنە ارالاساتىن الينا Ironman 70.3 Astana جەنە Global Conference on Primary Health Care سەكٸلدٸ ٸرٸ حالىقارالىق شارالارعا ۆولونتەر بولىپ قاتىسقان.
- زيياتكەرلٸك مەكتەپتٸڭ ماعان بەرگەن مٷمكٸندٸگٸنە زور جاۋاپكەرشٸلٸكپەن قارايمىن. مەن يەلەنگەن 11 وقۋ گرانتىنىڭ التاۋى تولىق گرانت بولسا, قالعان ۋنيۆەرسيتەتتەر وقۋعا جەڭٸلدٸك ۇسىندى. مەن تاڭداعان پەنسيلۆانييا شتاتىنداعى Drexel ۋنيۆەرسيتەتٸنٸڭ بٸر ارتىقشىلىعى – 1-كۋرستان باستاپ كومپانييالاردا جۇمىس ٸستەپ, تەجٸريبە جيناقتاۋعا مٷمكٸندٸك بەرەدٸ. كەلەشەكتە وتانىما كەلٸپ, حيمييالىق ينجەنەرييا سالاسىن دامىتقىم كەلەدٸ, - دەيدٸ الينا.
