Oraldyq eriktiler jalǵyz basty ananyń úiin jóndep berdi, dep habarlaidy "Ult aqparat".
Batysqazaqstandyq ánshi ári toi uiymdastyrýshy Qudaibergen Sultaniiarovtyń aitýynsha, buryn poezdyń vagonynda turyp kelgen jalǵyz basty áielge jergilikti bilik tarapynan qoldaý kórsetilip, baspana berilgen.
«Sol úidi «Aqjaiyq jastary» eriktileriniń kúshimen bir aptanyń ishinde jóndep berdik. Men qarjysyn uiymdastyrdym. Qazir Ainur esimdi áiel men onyń uly Salamat syńǵyrlaǵan úide turyp jatyr», deidi Qudaibergen.
Instagram jelisindegi óziniń paraqshasynda 100 teńgeden qaiyrymdylyq chellendjin uiymdastyrǵan Q.Sultaniiarovtyń tótenshe jaǵdai kezinde uiytqy bolǵan sharalary barshylyq.
Atap aitqanda, kúni búginge deiin 18 ota jasalyp, óte aýyr halde jatqan Ádilhan esimdi balaǵa 450 myń teńgeniń kómegin kórsetti. Budan keiin de onyń emine qarjylai járdem bermekshi.
Balalar úiine serýenge jáne oiynǵa arnalǵan kerek qural-jabdyqtaryn jetkizgen erikti sonymen qatar 60 otbasyna azyq-túlik aparyp berdi.
«Árine, munyń bárin men jalǵyz ózim atqara almas edim. Sonyń ishinde óz esimin aitpaýdy ótingen osy eldiń bir azamatyn erekshe ataǵym keledi. Ol kisi barlyq bastamalaryma qoldaý kórsetip, arasynda qomaqty qarjy bólip otyrady. Osyndai birliktiń arqasynda bul qiyn kezeńnen de aman ótermiz dep senemin», dedi QazAqparat tilshisine Qudaibergen Sultaniiarov.
Eske sala keteiik, budan buryn Oralda kásipker qyz-kelinshekterdiń kópbalaly analarǵa qolushyn sozǵanyn, BQO-da sońǵy tirkelgen 10 naýqastyń 9-y Reseiden kelgenin jazǵan
