Oralda jol apaty bolyp, kámelet jasqa tolmaǵan bala qaza tapty, - dep habarlaidy Tengrinews.kz agenttigi "Moi Gorod" portalyna silteme jasap.
Jol-kólik oqiǵasy 26 maýsymǵa qaraǵan túni saǵat 00:40-ta Sholohov pen Qurmanǵaliev kósheleriniń qiylysynda bolǵan. BQO PD baspasóz qyzmetiniń habaryna qaraǵanda, Toyota shaǵyn avtobýsy jol jieginde turǵan Scooter men VAZ-2110 kóligine soqtyǵysqan.
"Apat saldarynan bes adam aýrýhanaǵa jetkizildi. Skýter jolaýshysy - 17 jastaǵy jasóspirim jansaqtaý bóliminde kóz jumdy. Skýter júrgizýshisi kóptegen jaraqatpen aýrýhanaǵa jatqyzyldy. Jeńil kólik jolaýshylary dárigerlerdiń tekserýinen keiin úiine jiberildi. Meditsinalyq saraptama qorytyndysyna sáikes, shaǵyn avtobýs júrgizýshisi saý bolǵan. Jol-kólik oqiǵasynyń aldyn ala sebebi - shaǵyn avtobýs júrgizýshisi kólikti basqaryp kele jatyp uialy telefonyna alańdap ketken", - dedi politsiia qyzmetkerleri.
