Oralda bir kúnde eki jaiaý júrginshini kólik qaǵyp ketti. Eki derek te kameraǵa túsip qalǵan. Qazir politsiia oqiǵanyń mán-jaiyn anyqtap jatyr, - dep habarlaidy Tengrinews.kz tilshisi.
Birinshi jaǵdaida 30 jastaǵy er adam Almaty kóshesine júgirip shyǵyp, ony Volkswagen Passat kóligi qaǵyp ketken.
"Jol-kólik oqiǵasy 27 qańtarda tańǵy saǵat 10:30 shamasynda bolǵan. 28 jastaǵy júrgizýshi jolǵa júgirip shyqqan er adamdy qaǵyp ketti. JKO nátijesinde jaiaý júrginshi dene jaraqatyn aldy. Zardap shekken adamǵa qatysty QR ÁQBtK-niń 615-baby 2-bóligi "Jaiaý júrginshilerdiń jáne jol qozǵalysynyń ózge de qatysýshylarynyń jol júrý erejelerin buzýy" boiynsha ákimshilik hattama toltyryldy", - dedi Politsiia departamenti ókilderi.
