Batys Qazaqstan oblysynda saiajai qoǵamynyń kúzetshisi ózine qarsy shyqqan zeinetkerge tez tutanatyn suiyqtyq shashyp, tiridei órtep jiberdi. Politsiia sotqa deiingi tergeý bastady, dep habarlaidy Sputnik Qazaqstan.
Resmi málimetke sáikes, qaiǵyly oqiǵa "Mikrobiolog" saiajai qoǵamynda bolǵan. 63 jastaǵy zeinetker eski saiajaiyn buzýǵa barǵan. Biraq kúzetshi oǵan ruqsat bermei, kedergi jasai bastady.
"Osy kezde zeinetker ashýlanyp, pnevmatikalyq vintovkasyn alyp shyqqan. Kúzetshi I toptaǵy múgedek eken. Ol zeinetkerge tez tutanatyn suiyqtyq shashyp jiberip, órt qoiǵan. Sodan záresi ushyp, órtti sóndirýge tyrysqan. Biraq er adam qatty zardap shekti, denesiniń 90 protsentin kúiik shaldy ", - deidi politseiler.
Zeinetker alǵan jaraqatynan aýrýhanada kóz jumdy. Al 62 jastaǵy kúzetshi qamaýǵa alyndy. Qylmystyq kodekstiń 106-baby ("Densaýlyqqa qasaqana aýyr ziian keltirý, jábirlenýshiniń ólimine ákep soqqan áreket") boiynsha sotqa deiingi tergeý sharalary bastaldy.
Osy qylmys úshin 8 jyldan 12 jylǵa deiingi merzimge bas bostandyǵynan aiyrý jazasy qarastyrylǵan.
