Oraldaǵy stýdentter tóbelesi meditsinalyq kolledj jataqhanasy mańynda bolǵan. Politsiia fakt boiynsha sotaldy tergeý júrgizilip jatqanyn málim etti, - dep habarlaidy Tengrinews.kz.
Oqiǵa ornynda túsirilgen kadrlar áleýmettik jelilerde taraldy. Óńirlik politsiia departamenti málimetinshe, 3 qyrkúiekte keshki saǵat 22.00 shamasynda Jáńgir han kóshesinde ornalasqan meditsinalyq kolledj mańynda jappai tóbeles bolǵan.
"Politsiia qyzmetkerleri bul oqiǵaǵa qatysqan barlyq adamdy anyqtady. Olar istiń mán-jaiyn anyqtaý úshin Zachagan politsiia bólimine jetkizildi. Bul fakt boiynsha qazir QR Qylmystyq kodekstiń 293-baby 1-bóligi "Buzaqylyq" boiynsha sotaldy tergeý bastaldy", - dedi BQO politsiia departamentiniń baspasóz qyzmeti ókili.
Meditsinalyq kolledj ákimshiligi ekinshi kýrs stýdentin basqa oqý orynynyń stýdentteri urǵanyn málimdedi.
"Oqý ornymyzdyń kúzeti dereý jedel meditsinalyq kómek shaqyrǵan. Zardap shegýshi óńirlik kópbeiindi aýrýhanaǵa jetkizilgen. Qazir jaǵdaiy jaqsy, sabaqta", - dedi Batys Qazaqstan joǵary meditsinalyq kolledji direktorynyń orynbasary Shynar Kóbieva.
