Oralda salynyp jatqan úiden qurylysshy qulap, mert boldy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, qaiǵyly oqiǵa búgin Rýjeinikov kóshesi boiynda «Bolashaq-T» JShS salyp jatqan kópqabatty úide boldy.
Jedel járdem saǵat 03.15-te shaqyryldy.
Osynda montajshy bolyp jumys isteitin Aqjaiyq aýdanynyń 24 jastaǵy turǵyny 5-qabattan qulap ketken. Marqum jedel járdem kelgenge deiin kóz jumdy.
BQO politsiia departamentiniń baspasóz qyzmeti oqiǵanyń Rýjeinikov kóshesi 14-mekenjaiynda bolǵanyn rastap, tolyq málimettiń keiin beriletinin jetkizdi.
Qazirgi kezde Oral qalasy politsiia basqarmasy tergeý amaldaryn júrgizýde.
