Foto: Beinejazbadan
Oralda politseiden qashqan turǵyn jol apatyn jasap, júrgizýshini mert qyldy. Atalǵan derek boiynsha qylmystyq is qozǵaldy, dep habarlaidy BQO politsiia departamentiniń baspasóz qyzmeti.
Oqiǵa 1 qyrkúiek kúni bolǵan.
Kúdikti jol qozǵalysy erejelerin óreskel buzyp, joldaǵy basqa qatysýshylarǵa qaýip tóndirip, politsiia qyzmetkerleriniń toqtaý týraly zańdy talabyna baǵynbaǵan.
Nazarbaev kóshesiniń boiynda baǵdarshamnyń tyiym salatyn belgisin elemei, Nazarbaev pen Karev kósheleriniń qiylysynda Lada Granta jáne Lada Largus avtokólikterimen soqtyǵysqan.
Osy jol-kólik oqiǵasy saldarynan Lada Granta avtokóliginiń júrgizýshisi aýyr jaraqat alyp, aýrýhanada qaitys boldy.
"Kúdikti de dene jaraqattaryn alyp, meditsinalyq mekemege jetkizildi, qazir ony politsiia kúzetip otyr. Atalǵan derek boiynsha qylmystyq is qozǵaldy. Qazirgi ýaqytta oqiǵanyń barlyq mán-jaiyn anyqtaý maqsatynda tergeý amaldary júrgizilip jatyr", – dep habarlady vedomstvodan.
Turǵyndardyń sózine qaraǵanda, marqumnyń sońynda áieli, eki balasy qaldy.
