Oralda meditsina qyzmetkeri 15-ten asa jalǵan vaktsinatsiia pasportyn jasap satqan, - dep habarlaidy "Ult aqparat" Qarjylyq monitoring agenttigi baspasóz qyzmetine silteme jasap.
"Qarjylyq monitoring agenttiginiń Batys Qazaqstan oblysy boiynsha óńirlik departamenti Oral qalasyndaǵy emhanalardyń biriniń qyzmetkeri jalǵan ekpe tólqujattaryn jasaǵanyn anyqtady.
Meditsina qyzmetkeri aldyn ala sóz bailasý arqyly aqshalai syiaqy alý úshin Densaýlyq saqtaý ministrliginiń "Vaktsinatsiia" elektron modýline ekpe salǵyzý týraly jalǵan aqparatty engizdi", - delingen agenttik habarlamasynda.
Agenttik málimetine súiensek, ekpe tólqujattaryna tapsyrys berýshilerdiń negizgi bóligi mektepke deiingi uiymdar men saýda qyzmetkerleri.
