Oralda qyz zorlady degen kúdikpen eki turǵyn qamaýǵa alyndy, dep habarlaidy QazAqparat.
BQO politsiia departamentiniń resmi ókili Bolatbek Belgibekovtiń málim etkenindei, qazirgi kezde QR QK 120-baby 2-bóligine (zorlaý) sáikes sotqa deiingi tergeý amaldary júrgizilýde.
Onyń aitýynsha, biylǵy 8 tamyzda 26 jastaǵy qyz politsiiaǵa júginip, ózin zorlap ketkeni jóninde aryz bergen.
Jábirlenýshiniń sózine qaraǵanda, «Indraiver» taksiine tapsyrys bergen kezde eki er adam kelgen. Eshteńege kúdiktenbegen ol kólikke mingennen keiin júrgizýshi baǵytty ózgertip, qala shetindegi qus fabrikasy aýdanyna barǵan. Sol jerde qasyndaǵy jolaýshysy ekeýi kúsh kórsetip, qyzben jynystyq qatynasqa túsken.
«Jedel izdestirý is-sharalary barysynda Oral qalasynyń 1993 jáne 1995 jylǵy turǵyndary anyqtaldy. Is boiynsha birqatar saraptamalar jasalyp, qajetti tergeý amaldary júrgizildi. Genomdyq saraptamanyń uzaq ýaqyt alatyny belgili. Kúni búgin qorytyndy alyndy, dáleldemeler jetkilikti. Soǵan sáikes atalǵan qos turǵyn ýaqytsha ustaý izoliatoryna qamaldy. Tolyq aqparat tergeý amaldary aiaqtalǵannan keiin beriletin bolady», dedi Belgibekov.
