Oraldaǵy mamandandyrylǵan aýdanaralyq sotta 46 jastaǵy Arman Óksikbaevqa sot úkimi shyqty. Ol 11 jylǵa bas bostandyǵynan aiyryldy, dep habarlaidy Ulysmedia.kz.
Qalalyq qurylys bóliminiń basshysy asa iri kólemde, atap aitar bolsaq, 130 million teńge kóleminde para almaq bolǵany úshin sottaldy.
Sot Óksikbaevty 11 jylǵa bas bostandyǵynan aiyryp, ómir boiyna memlekettik qyzmetten alastatý týraly sheshim qabyldady.
Sondai-aq, “Syrlasý” JShS júrgizýshisi Aleksandr Nagmetov sheneýnikke kómekteskeni úshin segiz jylǵa bas bostandyǵynan aiyrylǵan.
Sottalýshylar jazasyn qylmystyq-túzetý mekemesinde óteidi.
