Koronavirýspen aýyrǵan 65 jastaǵy Oral qalasynyń turǵyny óz betimen aýrýhanadan ketip qalǵan. Qazir ony quqyq qorǵaý organdary izdep jatyr. Bul týraly "Moi gorod" portaly Batys Qazaqstan oblysynyń politsiia departamentine silteme jasap habarlady.
Er adam aýrýhanadan 1 sáýir kúni shyǵyp ketken. Sodan beri onyń qaida júrgeni týraly aqparat joq.
"Er adamnyń boiy – 160-165 santimetr, tolyq deneli, qońyr kózdi, shashy aqshyl, saqal-murty bar. Ol qara triko, júnnen toqylǵan jempir, kók kóilek jáne úi shárkesin kigen. Qolynda sary paket bolǵan. Qazirgi tańda er adam izdestirilip jatyr, óitkeni onyń COVID-19 juqtyrǵany rastalǵan, qorshaǵan ortaǵa qaýipti bolýy múmkin", - dep habarlady politsiia.
Politseiler Anatolii Maksinniń turǵylyqty jeri týraly qandai-da bir aqparat biletinderden 8 775 717 11 19 nemese 102 nómirine habarlasýyn surady.
