Oralda koronavirýs tirkeldi dep, jalǵan habar taratqan áielge qatysty qylmystyq is qozǵaldy, dep habarlaidy QazAqparat.
BQO politsiia departamentiniń resmi ókili, politsiia polkovnigi Bolatbek Belgibekovtiń aitýynsha, atalǵan turǵyn WhatsApp áleýmettik jelisi arqyly aýdiojazbamen koronavirýsqa qatysty jalǵan habar taratqan.
Atalǵan derek boiynsha QR QK 274-baby 4-bóligi 2-tarmaqshasyna sáikes (kórineý jalǵan aqparat taratý) sotqa deiingi tergeý bastaldy.
«Bul bap boiynsha aiypty dep tanylǵan adamǵa qatań jaza qoldanylady. Iaǵni tótenshe jaǵdai kezinde nemese urys jaǵdaiynda sondai-aq soǵys ýaqytynda ne jariia is-sharalar ótkizý kezinde jasalǵan is-áreketter úsh jyldan jeti jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady. Basqa balama jaza qarastyrylmaǵan», dedi B.Belgibekov.
Eske sala keteiik, budan buryn Oralda koronavirýs juqtyrǵan adam tirkeldi degen jalǵan habar taraǵanyn jazǵan bolatynbyz.
