Qarjylyq monitoring agenttigi Oralda avtomobilderge qaýipsizdik hattamalaryn zańsyz berý dereginiń jolyn kesti, dep habarlaidy QazAqparat.
Ótken jyldyń ózinde Qazaqstanda 13 myńnan astam jol-kólik oqiǵasy tirkelgen.
Apattardyń negizgi sebepteriniń biri - tehnikalyq tekserý kezinde anyqtalýy tiis avtomobildiń aqaýy.
Sonymen qatar, zańsyz aqshalai syiaqy úshin jalǵan málimetteri bar avtokólikti tehnikalyq tekserý týraly sertifikattar men hattamalar berý derekteri de bolyp jatyr.
Mysaly, Qarjylyq monitoring agenttiginiń Batys Qazaqstan oblysy boiynsha aýmaqtyq departamenti kólik quraldaryna oń qaýipsizdik hattamasyn berýge kómekteskeni úshin materialdyq syiaqy alý dereginiń jolyn kesti.
«Ulttyq saraptama jáne sertifikattaý ortalyǵy» AQ Batys Qazaqstan oblysy boiynsha bólimshesiniń qyzmetkeri A.Gavrishev 120 myń teńgege avtokólikterge QR ulttyq standartynyń talaptaryna sáikes kelmeitin qaýipsizdik hattamalaryn bergen.
Osylaisha, júrgizýshilerge de, jol qozǵalysynyń basqa qatysýshylaryna da qaýip tóndirgen.
A.Gavrishev QK 247-babynyń 1-bóligi boiynsha qylmystyq jaýapkershilikke tartyldy.
