Oralda kisi tonap, 44,5 mln-nan astam teńgeni jymqyryp ketkender ustaldy, dep habarlaidy "Ult aqparat".
BQO politsiia departamentiniń baspasóz qyzmetinen túsken málimetke qaraǵanda, oqiǵa Eýraziia dańǵyly 49-úide ornalasqan aqsha aiyrbastaý pýnkti mańynda oryn aldy.
Belgisiz bireýler 28 aqpan kúni saǵat 21.00-de aqsha aiyrbastaý pýnktiniń 1965 jylǵy direktoryna gaz ballonyn shashyp, aqsha salynǵan qara tústi bylǵary sómkesin alyp ketken.
Keltirilgen zalal 44,513 mln teńgeni qurady.
Jedel izdestirý sharalary barysynda Oral qalasynyń 1994, 1994 jáne 1985 jylǵy turǵyndary anyqtalyp, ustalyp, sot sanktsiiasymen qamaýǵa alyndy.
1995 jylǵy tórtinshi kúdikti izdestirilýde.
Kúdiktiler urlanǵan qarjyǵa eki avtomobil, uialy telefondar jáne basqa zattar satyp alyp úlgergen.
Qazirgi kezde QR QK 191-baby 4-bóligine (adamdar tobynyń aldyn ala sóz bailasýymen jasalǵan tonaý) sáikes tergeý amaldary júrgizilýde.
