Oralda keiýana men onyń múgedek ulyn óltirgen kúdiktiler ustaldy, dep habarlaidy "Ult aqparat".
BQO politsiia departamenti bastyǵynyń orynbasary Ashat Temirjanovtyń málim etkenindei, qandy oqiǵa ótken jyly 7 qyrkúiekte oryn aldy.
Tsiolkovskii kóshesi 53-úiden zorlyqpen óltirilgen 1934 jylǵy zeinetker keiýana men onyń uly, 2 top múgedegi, DTsP sal aýrýymen aýyrǵan 1959 jylǵy er adamnyń denesi tabylǵan bolatyn.
Oqiǵa ornynan 130 myń teńge men 75 myń teńgeniń altyn buiymdary urlanǵany belgili boldy.
Sot-meditsinalyq saraptamaǵa sáikes marqumdar tunshyqtyrylǵan ári jabyq bas-mi jaraqattaryn alǵan.
Keshendi tergeý sharalary barysynda 1992 jylǵy T., 1993 jylǵy Z. jáne 1991 jylǵy K. esimdi kúdiktiler anyqtaldy.
Ustalǵandardyń biri kinásin moiyndap, tergeý oryndaryna kómektesýge kelisti. Ol urlanǵan zattyń qaida turǵandyǵyn kórsetti.
Qalǵan eki kúdiktiniń de kinási tolyqtai dáleldendi. Mysaly, urlanǵan altyn buiymnyń molekýliarlyq-genetikalyq saraptamaǵa sáikes marqum áielge tiesili ekendigi anyqtaldy. Sondai-aq kúdiktilerdiń biriniń kiiminde zeinetkerdiń DNK-sy tabyldy.
«Kúdiktilerge qatysty sot-psihiatriialyq saraptamasynyń qorytyndysy shyqqannan keiin isti sotqa jiberý týraly protsessýaldyq sheshim qabyldanatyn bolady», dedi A.Temirjanov.
Oral qalasy politsiia basqarmasy bastyǵynyń orynbasary Nurlan Bisenovtiń aitýynsha, osy oqiǵaǵa bailanysty kóptegen jumystar júrgizildi. Sonyń ishinde jedel izdestirý sharalary barysynda basqa 63 qylmys ashylǵan. Budan basqa kriminaldyq politsiia qyzmetkerleri izdeýde júrgen 11 adamdy (sonyń 9-y qylmystyq quqyqbuzýshylyq jasaǵan) ustap, joǵalyp ketken 2 adamdy tapty.
