Oralda kriminaldyq politsiia basqarmasynyń qyzmetkerleri qarýly kúdiktini ustady. Bul sátti kýágerler videoǵa túsirip alǵan, - dep habarlaidy "Ult aqparat".
Áleýmettik jelilerde buzaqylyq jasaǵan kúdiktini jedel áreket etetin arnaiy jasaq qyzmetkerleri ustaǵany túsirilgen video paida boldy. Kadrlardan jasaq qyzmetkerleri eki er adamdy Chrysler markaly kóliginen shyǵaryp, jerge jatqyzǵany kórinedi.
Politsiia departamenti bul derekti rastady jáne qaýipsizdik kúshteriniń arnaiy operatsiiasynyń mán-jaiyn habarlady.
"Birinshi sáýirde saǵat shamamen 16:30-da Oraldaǵy Isatai-Mahambet kóshesinde politsiia qyzmetkerleri jedel izdestirý is-sharalaryn júrgizý kezinde 33 jastaǵy er adamdy ustady. Ol Oral aýmaǵynda buzaqylyq áreketter jasady degen kúdikke ilindi. Bul fakt biyl aqpanda tirkelgen. Kólikti tekserý barysynda tapansha men pyshaq tárizdi úsh zat tabyldy. Olar saraptamaǵa jiberildi. Ekinshi er adamnyń zańǵa qaishy áreketterge qatysy joq, sondyqtan bosatyldy", - dedi BQO politsiia departamentiniń resmi ókili Bolatbek Belgibekov.
