Oralda qantqa talasqan jurttyń kórinisi áleýmettik jeli arqyly tarap ketti, dep habarlaidy QazAqparat.
Turǵyndardyń aitýynsha, oqiǵa 28 mamyr kúni tańerteń Zachagan kentindegi M.Móńkeuly kóshesinde ornalasqan «Altyndar» sýpermarketinde boldy.
Olardyń sózine qaraǵanda, atalǵan sýpermarkette mundai jaǵdai kún saiyn qaitalanyp otyrady.
BQO kásipkerlik jáne indýstrialdyq-innovatsiialyq damý basqarmasynyń basshysy Jumageldi Batyrniiazovtyń túsindirýinshe, «Altyndarda» qanttyń ár kilosy 370 teńgeden arzanǵa satylyp jatqandyqtan, osyndai jaǵdai oryn alýda.
«Basqa saýda oryndarynda ondai sabylys joq. Mysaly, «Dina» sýpermarketinde qanttyń ár kilosy 442 teńgeden emin-erkin satylýda», - dedi Batyrniiazov.
