Oralda jaiaý júrginshi ótkelinde 11 jasar balany qaǵyp, qashyp ketken júrgizýshi anyqtaldy, dep habarlaidy QazAqparat.
BQO politsiia departamentiniń baspasóz qyzmeti málim etkenindei,
«Toyota» avtokóliginiń júrgizýshisi búgin anyqtalyp, Oral qalasy politsiia basqarmasyna jetkizildi.
«Avtokólik aiyp turaǵyna qoiyldy. Júrgizýshige qatysty QR Ákimshilik quqyqbuzýshylyq kodeksi 610-baby (júrgizýshiniń adam densaýlyǵyna ziian keltirýge alyp kelgen jol erejesin buzýy) jáne 611-babyna (júrgizýshiniń jol-kólik oqiǵasyna bailanysty mindetterdi oryndamaýy) sáikes hattama toltyryldy, Budan ári jábirlenýshiniń talabyna sáikes sheshim qabyldanatyn bolady», dep habarlady vedomstvodan.
BQO densaýlyq saqtaý basqarmasy baspasóz qyzmetiniń málim etkenindei, bala qazirgi kezde ambýlatorlyq em alýda. Jaǵdaiy jaman emes.
