Oralda avtokólik zeinetkerdi qaǵyp ketti, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa keshe keshkisin Saraishyq kóshesinde boldy. Saǵat 19.45-te belgisiz júrgizýshi «Aýdi» avtokóligimen rettelmeitin jaiaý júrginshi ótkelinen ótip bara jatqan 1956 jylǵy er adamdy qaǵyp ketti.
Jol apaty saldarynan túrli jaraqat alǵan zeinetker oblystyq kópbeiindi aýrýhanaǵa jetkizilgenimen, keiin qaitys boldy.
Politsiia departamenti qyzmetkerleri júrgizgen is-sharalar nátijesinde 1968 jylǵy júrgizýshi anyqtalyp, ustaldy.
"Zeinetker rettelmeitin jaiaý júrginshiler ótkelimen joldan ótip bara jatqan. Jábirlenýshi aýrýhanaǵa jetkizildi, onda biraz ýaqyttan keiin qaitys boldy. Politsiia qyzmetkerleri júrgizýshini anyqtap, ustady. Ol Oral qalasynyń 53 jastaǵy turǵyny bolyp shyqty. Audi 80 avtokóligi arnaiy turaqqa qoiyldy", - dedi BQO PD baspasóz qyzmetiniń ókili Móldir Sadyrǵalieva.
Qazirgi kezde QR QK 345-baby 3-bóligine (abaisyzda adam ólimine soqtyrǵan jol qozǵalysy erejesin buzý) sáikes sotqa deiingi tergeý amaldary júrgizilýde.
Oblystyq densaýlyq saqtaý basqarmasy baspasóz qyzmetiniń naqtylaýynsha, zeinetker jabyq bas-mi jaraqatyn alyp, miy shaiqalǵan. Ol túnde kóz jumdy.
