Oralda 33 jastaǵy áiel jezóksheler uiasyn uiymdastyrǵan, dep habarlaidy "Ult aqparat".
BQO Politsiia departamentiniń resmi ókili Bolatbek Belgibekovtiń málim etkenindei, atalǵan áiel budan buryn da osyndai qylmysy úshin jaýapqa tartylǵan.
Soǵan qaramastan, priton ustaǵan áiel úsh qyzǵa kúsh kórsetip, intimdik qyzmet kórsetýge májbúrlegen.
B.Belgibekovtiń sózine qaraǵanda, M.Mámetova kóshesi boiynda kúdikti páter týraly jedel aqparat túskennen keiin 13 tamyz kúni shamamen saǵat 06.00-de politsiia departamentiniń qyzmetkerleri priton uiymdastyrýshy men onyń eki sybailasyn, 1995 jáne 1996 jylǵy áielderdi qolǵa túsirdi.
Tergeý barysynda atalǵan toptyń 1987, 1998 jáne 1998 jylǵy qyzdardy intimdik qyzmet kórsetýge paidalanyp, zańsyz paida tapqany belgili boldy. Páterden 140 myń teńge tárkilendi. Ustalǵandardyń túsindirgenindei, bul tek eki kún ishinde túsken aqsha bolyp shyqty.
Intimdik qyzmet kórsetken qyzdar májbúrli túrde osyndai qadamǵa barǵanyn, baǵynbasa, kúsh kórsetilgenin aityp berdi.
Qazirgi kezde QR QK 309-baby 2-bóligine sáikes (jezókshelikpen ainalysýǵa arnalǵan pritondar uiymdastyrý nemese olardy ustaý jáne jeńgetailyq) sotqa deiingi tergeý amaldary júrgizilýde.
