Oral politsiiasy burynǵy áieli men qyzynyń úiin órtep jibermek bolǵan er adamdy ustady, dep habarlaidy "Ult aqparat" uralskweek.kzsaityna silteme jasap.
Zachagan kentiniń turǵyny Gúlmira Ihsanovany 20 shilde kúni qyzymen birge tiridei órtei jazdaǵan. Áieldiń burynǵy kúieýi Ǵalymjan Saqqazov úidiń ústine benzin quiyp, esikti jaýyp, órtep jibergen. Áiel men bala qashyp úlgergen, al politseiler qaskúnemdi ustady, biraq ony kelesi kúni tańerteń bosatyp jibergen.
Áiel jii iship kelip, ózin uryp soqqan burynǵy kúieýimen 5 jyl buryn ajyrasqanyn aityp otyr. Ekeýi 17 jyl birge nekede turǵan.
Órttiń saldarynan úidiń shatyry men qabyrǵalarynyń bir bóligi janyp ketken. Kelgen shyǵynnyń quny 1 million teńgege baǵalanady. Biraq Gúlmira burynǵy kúieýiniń osy somany tóleitinine senbeidi de. Áieldiń aitýynsha, ol balalarǵa eshqashan materialdyq kómek kórsetpegen.
— Meniń otbasymdy jaiyn qaldyrsa eken degen bir ǵana armanym bar, — deidi Gúlmira.
Zachagan politsiia bóliminiń bastyǵy Timýr Aitýǵanov eki adamnyń ómirine qastandyq jasamaq bolǵan jáne kinásin moiyndaǵan qylmyskerdiń nege áli kúnge de bostandyqta júrgenin aitty.
— Biz ony túrmege otyrǵyza almaimyz, óitkeni karantin jaǵdaiynda pedofiliia, adam óltirý nemese zorlaý siiaqty asa aýyr qylmys jasaǵan kúdiktilerdi ǵana qamaýǵa alady. Ókinishke orai, Saqqazovtyń áreketteri sotqa qamaýǵa alý túrindegi bultartpaý sharasy týraly ótinish berýge resmi túrde negiz bolmaidy. Sonymen qatar, men QR QK-niń 202-baby 2-tarmaǵy boiynsha qylmystyq is qozǵaldy. Bul - 7 jylǵa deiin bas bostandyǵynan aiyrý jazasy qarastyrylǵan aýyr qylmys. Qazir jeńildetilgen tártipte is 15 kún ishinde sotqa beriledi, sebebi kúdikti óz kinásin tolyq moiyndady, — dep túsindirdi Aitýǵanov.
