© Sputnik / Vladislav Vodnev
Qatty turmystyq qaldyqtardy shyǵarý tarifi ózgermese, Oraldyń qoqys astynda qalý qaýpi bar. Qarjyǵa bailanysty qoqys shyǵaratyn "Oral Taza Servis" mekemesi jumysyn toqtatýy múmkin. Kásiporyn jumysshylardyń jalaqysyn kóterip, qajetti tehnikany satyp alýy kerek, dep habarlaidy Sputnik Qazaqstan.
"Oral Taza Servis" JShS direktory Rafhat Danaǵulovtyń aitýynsha, kásiporyn jumysshylary aqpannyń sońynda narazylyq bildirip, jalaqylaryn 150 myń teńgege deiin kóterýdi talap etkenimen, áli kúnge deiin 110 myń teńgege jýyq eńbekaqy alyp otyr.
"Olar óz talaptaryn azyq-túlik pen kommýnaldyq qyzmetterdiń qymbattap jatqanymen túsindirdi. Olardyń kóbi kópbalalylar qatarynda, jaldamaly baspanada turady, al páter aqysy arzandap jatqan joq. Baǵanyń úzdiksiz ósýine bailanysty otbasyna qarajat jetpei otyr. Biz olardy jumysqa shyǵýǵa áreń kóndirdik jáne óz kezeginde jańa tariftiń bekitilýine senip, jalaqyny ósirýge ýáde berdik", - deidi kásiporyn basshysy.
Onyń aitýynsha, byltyr qarasha aiynda turǵyn úi-kommýnaldyq sharýashylyǵy benzin men qosalqy bólshekterdiń qymbattaýyna bailanysty qoqys shyǵarý tarifin kóterý týraly jergilikti atqarýshy organdarǵa ótinish bergen. Biraq qańtar oqiǵasy men Qazaqstanda kommýnaldyq qyzmet tarifterin kóterýge moratorii jariialanýyna bailanysty bul másele sheshilmedi.
"Biz úlken qiyndyqqa tap boldyq – ne jalaqyny kótere almaimyz, ne jumysty toqtata almaimyz. Biraq jaqynda jumysshylar ózderiniń ádil talaptary oryndalmaýyna bailanysty jumysqa shyǵýdan bas tartýy múmkin. Sondai-aq bizdiń kásiporynnyń júrgizýshileri men temir ustalary da jumys isteýden bas tarta ma dep qorqamyz", - dep jalǵastyrdy direktor.
Kompaniiada atap ótilgendei, búginde halyqtyń qoqys shyǵarý qyzmeti úshin kásiporyn aldyndaǵy qaryzy 190 million teńgege jýyqtasa, eki jyl buryn bul kórsetkish 250 million teńgeni quraǵan. Boryshkerlerge qatysty máseleler tek eskretý arqyly, odan keiin sot oryndaýshylar arqyly qaryzdy tólemegen azamattardyń jeke shottaryna tyiym salý arqyly ǵana sheshilip otyr.
