Oral qalasynda avtobýs balany qaǵyp ketti, dep habarlaidy QazAqparat.
BQO politsiia departamentiniń baspasóz qyzmeti málim etkendei, oqiǵa 27 qańtar kúni saǵat 19.46-da boldy.
«PAZ» avtobýsynyń 41 jastaǵy júrgizýshisi Á.Moldaǵulova kóshesinde «Anvar» dúkeni tusynda retteletin jaiaý júrginshi ótkelinde tyiym salynǵan baǵdarshamǵa qaramastan, júgirip ótpek bolǵan 2013 jylǵy balany qaǵyp ketken.
Bala jedel járdem kóligimen aýrýhanaǵa jetkizildi.
Oblystyq densaýlyq saqtaý basqarmasy baspasóz qyzmetiniń naqtylaýynsha, bala mańdaiyn soǵyp alǵan, ambýlatorlyq em alýǵa jiberildi.
Sondai-aq saǵat 19.00-de Syrym Datuly men Iu.Gagarin kósheleriniń qiylysynda «VAZ 2107» avtokóliginiń 30 jastaǵy júrgizýshisi 1985 jylǵy er adam aidap kele jatqan KIA Sportage avtokóligine jol bermei, soqtyǵysqan.
Sonyń saldarynan «VAZ 2107» avtokóliginde otyrǵan jolaýshy zardap shegip, aýrýhanaǵa jetkizildi.
Sonymen qatar saǵat 10.35-te «Folksvagen Passat» avtokóliginiń 28 jastaǵy júrgizýshisi Almaty men Kaztalov kósheleriniń qiylysynda baǵdarshamnyń tyiym salynǵan belgisine qaramastan, júgirip ótpek bolǵan 1992 jylǵy júrginshini qaǵyp ketti.
Jaiaý júrginshi jaraqat alyp, oǵan qatysty QR Ákimshilik quqyqbuzýshylyq kodeksi 615-baby 2-bóligine sáikes hattama toltyryldy.
Qazirgi kezde oqiǵalardyń mán-jaiy anyqtalý ústinde.
