Batys Qazaqstan oblysy boiynsha Sybailas jemqorlyqqa qarsy qyzmet "Oral qalasy boiynsha qurylys bólimi" MM basshysyna qatysty tergeýdi bastady, dep habarlaidy "Ult aqparat" agenttiktiń baspasóz qyzmetine silteme jasap.
Ol 2020 jyldyń qazan aiynan bastap 2021 jyldyń 11 qazanyna deiin «N»-nyń sybailastyǵy arqyly JShS direktory «Sh»-dan pandemiia kezeńinde arnaiy tártipti qoldana otyryp, memlekettik satyp alý shartyn jasasýǵa járdem kórsetken. Sondai-aq Oral qalasynda «Nurly jer» memlekettik baǵdarlamasy boiynsha jalpy somasy 2,2 mlrd teńgeniń eki 9 qabatty turǵyn úiiniń qurylysy boiynsha oryndalǵan jumystardyń aktilerine kedergisiz qol qoiǵany úshin buryn kelisilgen asa iri mólsherdegi 170,0 mln. teńgeniń 134,0 mln teńgesin para retinde alǵan.
«Oral qalasy boiynsha qurylys bólimi» MM basshysy jáne azamat «N» QR QPK 128-baby tártibinde ustalyp, Oral qalasynyń ÝUI-na qamaýǵa alyndy», - delingen jemqorlyqpen kúres qyzmetiniń baspasóz qyzmeti taratqan aqparattta.
