Foto: Yonhap
Ońtústik Koreiada shekaradan zańsyz ótpek bolǵan Qazaqstannyń eki azamaty qamaýda otyr, - dep habarlaidy Tengrinews.kz saity.
Bul týraly Ońtústik Koreia pablikteri men áleýmettik jelilerden belgili boldy. Korea Komek málimetinshe, qazaqstandyqtar Túrkistannan.
"2002 jáne 2005 jyly týǵan qazaqstandyqtar 25 naýryzda Ózbekstannan Korea Air áýekompaniiasynyń ushaǵymen Koreiaǵa kelgen. Qujattarynyń durys bolmaýyna bailanysty keden qyzmetkeri olardy elge kirgizbei, deportatsiiany kútý zalyna jibergen. Olar deportatsiia reisin kútý kezinde, 26 naýryzda tańǵy saǵat 4:20 shamasynda áýejaidyń ushý-qoný jolaǵy janyndaǵy úsh metrlik qorshaýdan asyp, qashyp ketken", - delingen habarlamada.
Ekeýi de óz isterin moiyndap, týǵan jerinde otbasyn asyraý úshin jumysqa ushyp kelgenderin aitqan. Ońtústik Koreia politsiiasy olardy shekarany zańsyz kesip ótip, qashyp ketti dep aiyptady. Qazirgi ýaqytta eki azamat qamaýǵa alynǵan.
Qordyń qoldaýymen bir qazaqstandyq jaqynda eline qaitarylýy kerek.
Koreia biliginen 3 kún boiy jasyrynyp júrgen ekinshi qazaqstandyq aldaǵy 3 aidy jergilikti túrmede ótkizedi. Koreia zańy boiynsha, Qazaqstan azamatyna 15 jylǵa deiin merzim berilýi múmkin, biraq onyń óz erkimen berilýi jaýapkershilikti jeńildetetin jaǵdai retinde eskeriledi.
Qazaqstandyqtardyń jasaǵan qylmysy Ońtústik Koreiada rezonans týdyrǵany atap ótiledi.
