Ońtústik Koreia biligi aimaqtan vaktsinalanǵan týrister úshin karantin talaptaryn alyp tastamaq, dep habarlaidy Sanitariialyq-epidemiologiialyq baqylaý komiteti.
Qazirgi tańda Singapýr jáne Taivan siiaqty eldermen ózara toptyq týristik saparlar týraly kelissózder júrgizilýde. Atalmysh memleketter epidemiologiialyq ahýaly turaqty elderdiń qataryna kiredi. Úkimettiń mundai áreketi pandemiiadan zardap shekken áýe tasymaly men týrizm indýstriiasyn qaita jandandyrýǵa baǵyttalǵan. Sonymen qatar, koronavirýstyq infektsiianyń taralýyna qarsy tabysty kúres júrgizilip jatqan Tailandpen, Gýammen, sodai-aq, Saipanmen kelissózderdi júrgizý bastalady dep josparlanýda.
AQSh COVID-19-ǵa qarsy kúreste úlken metsenattyq qadam jasamaq. Aq úi ákimshiligi álemge qaiyrymdylyq jasaý úshin Pfizer ekpesiniń 500 million dozasyn satyp alatyndyǵyn málimdedi. Bul – az qamtylǵan elderdi koronavirýstyq infektsiiaǵa qarsy dári-dármektermen qamtamasyz etý jónindegi vaktsinatsiianyń ǵalamdyq josparynyń bir bóligi Bul virýstyń taralýyn tejep, milliondaǵan adamdardyń ómirin saqtap qalýǵa múmindik beredi.
Pekin elde 800 millionnan astam adamnyń koronavirýsqa qarsy egilgendigin habarlady. Immýndaý Qytaidyń 31 provintsiiasynda júrgizilip jatyr. Qytaida turǵyndardyń basymdyq berilgen toptaryn vaktsinatsiialaý 2020 jyldyń 15 jeltoqsanynda bastalǵan. 1 maýsymǵa deiin 1,4 milliardtan astam turǵynnyń 681,9 milliony vaktsinatsiialaýdan ótken. Sońǵy málimetter boiynsha 808,962 million adam ekpe saldyrǵan.
