Foto: elements.envato.com
Qazaqstandyqtar Ońtústik Koreiadaǵy zaýyttardan olardy jappai jumystan shyǵaryp jatqanyn habarlady. Mundai aqparat Instagram áleýmettik jelisindegi @korea_komek paraqshasynda paida boldy, dep jazady Tengrinews.kz saity.
Jurtshylyqtyń aitýynsha, Inchhon áýejaiynan qashpaq bolǵan eki qazaqstandyqtyń oqiǵasynan keiin nebári eki kúnniń ishinde 23 otandasymyz Qazaqstan azamattyǵyna bailanysty jumystan shyǵarylǵan.
"Rezonans týdyrǵan áýejaidan qashý oqiǵasyna koreialyq taraptyń jaýaby osylai bolsa kerek. Ózderińiz bilesiz, buǵan deiin olarǵa qujattaryndaǵy qatege bailanysty elge kirýge ruqsat bermegen bolatyn. Qaitar reisti kútý kezinde, olar ushý-qoný jolaǵyna jaqyn jerdegi biiktigi 3,5 metrlik qorshaýdan asyp, qashyp ketken.
Túrkistan oblysynyń týmalary óz isterin moiyndap, otbasyn asyraý úshin jumysqa kelgenderin aitty. Bireýin eline qaitarady. Ekinshisi Ońtústik Koreia túrmesinde úsh ai bolady. Bul eldiń zańnamasy boiynsha ol 15 jylǵa deiin bas bostandyǵynan aiyrylýy múmkin", - delingen habarlamada.
Taǵy bir jazbada Ońtústik Koreianyń provintsiialarynyń birinde bir zaýytta jumys istegen 38 qazaqstandyq qamaýǵa alyndy delingen.
Aita keteiik, bul málimdemeler boiynsha Koreia men Qazaqstan biliginen ázirge resmi aqparat joq.
