«Ońtústik Koreiada qazaqstandyqtardy jumystan shyǵaryp jatyr». QR Syrtqy ister ministrliginiń resmi ókili Aibek Smadiiarov bul aqparattyń jalǵan ekenin aitty, dep habarlaidy QazAqparat.

Áleýmettik jelide «eki qazaqstandyqtyń Ońtústik Koreia shekarasyn zańsyz kesip ótý oqiǵasynan keiin sondaǵy otandastarymyzdy jumystan shyǵara bastady» degen aqparat jariialandy.

«Bul – jalǵan aqparat», - dep jaýap berdi Aibek Smadiiarov QazAqparat tilshisine.

Sondai-aq, SIM resmi ókili Ońtústik Koreia shekarasyn zańsyz kesip ótken eki qazaqstandyqtyń taǵdyryna qatysty jergilikti politsiiadan habar kútip otyrǵanyn jetkizdi.

Eske salsaq, osydan birer kún buryn eki otandasymyz Ońtústik Koreiaǵa kirýge tyiym salynǵanyna qaramastan, atalǵan elge zańsyz kirip ketken edi. Syrtqy ister ministrligi habarlaǵandai, kóp uzamai onyń bireýi ustalyp, ekinshisine izdeý salyndy.

Aita ketsek, eki qazaqstandyqtyń áreketi Ońtústik Koreiada qoǵamdyq rezonans týdyryp, jergilikti BAQ-ta keńinen jariialanǵany aityldy. Keiin belgili bolǵandai, Inchhon áýejaiynan qashyp ketken ekinshi qazaqstandyq politsiiaǵa óz erkimen berilgen bolatyn.