Nur-Sultan qalasynda onomastika komissiiasynyń kezekti otyrysy ótti. Kún tártibine sáikes Nur-Sultan qalasynyń atyn Astana dep qaita ataý týraly másele talqylandy, - dep habarlaidy "Ult aqparat" shahar ákimdiginiń baspasóz qyzmetine silteme jasap.
Osyǵan deiin Nur-Sultan qalasynyń turǵyndary, sondai-aq Qazaqstan Respýblikasy Parlamenti Májilisindegi "Jańa Qazaqstan" depýtattyq toby birneshe ret elordany Astana qalasy dep qaita ataý týraly másele kótergen bolatyn.
"Onomastika komissiiasynyń otyrysynda QR Ǵylym jáne joǵary bilim ministrliginiń "Memleket tarihy institýty" RMM direktorynyń orynbasary, tarih ǵylymdarynyń doktory, professor B. Aiaǵan, tarih ǵylymdarynyń doktory, professor M. Ábsemetov, pedagogika ǵylymdarynyń doktory, qoǵam qairatkeri T. Qyshqashbaev, Shaisultan Shaiahmetov atyndaǵy "Til-Qazyna" ulttyq ǵylymi-praktikalyq ortalyǵy" kommertsiialyq emes aktsionerlik qoǵamynyń bas direktory Erbol Tileshov, Qazaqstan jazýshylar odaǵy Nur-Sultan qalalyq filialynyń tóraǵasy Dáýletkerei Kápuly sóz alyp, atalǵan usynys jaily oń kózqarastaryn bildirdi", - delingen habarlamada.
Onomastika komissiiasynyń músheleri elordanyń atyn ózgertý týraly usynysty qoldady.
