«Qazaqstan onkologiiasy. Keshe. Búgin. Erteń» halyqaralyq konferentsiiasynyń ashylýynda Ortalyq-Shyǵys Eýropa onkologiia akademiiasynyń prezidenti Zoltan Matrai is-sharanyń mańyzdylyǵyn atap ótti, dep habarlaidy QazAqparat.
Dárigerdiń aitýynsha, onkologiia salasyndaǵy bul konferentsiia kásibi bilim men tájiribeni keńeitýge múmkindik beredi.
«Bizdiń Akademiia ótken jyldyń maýsym aiynda quryldy. Akademiiany Shyǵys Eýropa elderi qoldady. Onyń basty maqsaty - onkologiia salasyndaǵy kásibi deńgeidi jaqsartý jáne eldegi onkologiialyq emdeýdiń tiimdiligin arttyrý, mamandardyń halyqaralyq tájiribesin jinaqtaý. Sondai-aq, qaterli isik aýrýlarynyń aldyn alý, diagnostikalaý, emdeý jáne zertteýler salasyna kúsh salý», - dedi ol.
Sonymen qatar, qazirgi kezde onkologiia mańyzdy problemaǵa ainalǵanyn atap ótti.
«Onkologiialyq aýrýda shekara joq. Ár elde jaǵdai ártúrli. Biraq maqsat bireý - bárimiz bul aýrýmen kúresýimiz kerek. Men tanymal qazaqstandyq onkologtarmen áriptestik qarym-qatynas ornatqanymyzǵa rizamyn. Men úshin bul konferentsiiaǵa qatysý úlken mártebe. Shara barysynda tájiribe almasyp, bilimimdi jetildiremin dep oilaimyn. Bolashaqta biz onkologiiany zertteý salasynda birqatar birlesken jobalardy júzege asyra alamyz dep úmittenemin», - dedi Zoltan Matrai.
