QR Premer-Ministri Asqar Mamin Tótenshe jaǵdailar ministrligi jańadan jobalanatyn kóppáterli turǵyn úilerdi avtomatty órt dabyly júielerine bailanysty túzetýler daiyndaǵanyn aitty, dep habarlaidy "Ult aqparat".
«Jergilikti atqarýshy organdar halyqtyń osal toptarynyń turǵyn úilerin datchiktermen óteýsiz negizde jaraqtandyrý jumysyn azamattyq qorǵaý, áleýmettik qorǵaý, bilim berý jáne politsiia organdaryn tarta otyryp júrgizýde. 2019 jyldan beri 100 myńnan astam datchik ornatyldy, olardyń der kezinde iske qosylýynyń arqasynda 70 adam aman qaldy», - delingen Úkimet basshysynyń depýtattyq saýalǵa bergen jaýabynda.
Tótenshe jaǵdailar ministrligi aqparatyna sáikes 2020 – 2021 jyldary jylytý kezeńinde áleýmettik jaǵynan osal azamattardyń úilerinde órt jáne qaza bolǵandar sany azaiǵany baiqaldy.
«Bul baǵattaǵy jumysty óńirlerdiń ákimdikteri jalǵastyrýda», - dedi Mamin.
