Óńirler immýnoprofilaktika boiynsha halyqqa aqparattyq-túsindirý jumystaryn kúsheitýi qajet.
Bul týraly búgin QR Densaýlyq saqtaý ministrliginiń keńeitilgen alqa otyrysynda vedomstvo basshysy Aleksei Tsoi aitty, dep habarlaidy QazAqparat.
Onyń aitýynsha, E-gov mobile «Vaktsinatsiia» jáne «Tsifrlyq qujattar» qyzmetindegi koronavirýsqa qarsy vaktsinatsiia pasporty arqyly egilgenderdiń esebin júrgizý jáne immýndyq jaǵdaidy baqylaý josparlanýda. Bul vaktsinatsiia kólemin jáne aýrýdyń boljamyn josparlaýǵa kómektesedi. Vaktsinatsiianyń qolda bar nátijelerin eskere otyryp, osy jyldyń ekinshi jartyjyldyǵyna deiin epidemiologiialyq jaǵdaiǵa boljam jasaldy.
«Búkil álem vaktsinatsiia ǵana qalypty ómirge karantinsiz oralýǵa múmkindik beretinin túsindi. Osyǵan bailanysty óńirler immýnoprofilaktika boiynsha halyqqa aqparattyq-túsindirý jumystaryn kúsheitýi qajet», - dedi Aleksei Tsoi.
Ministr optimistik jáne shynaiy boljamǵa sáikes jappai maska rejimi, sondai-aq áleýmettik araqashyqtyq saqtaý nátijesinde eldegi epidemiologiialyq jaǵdai turaqtalatyndyǵyn jáne qatań karantindik shekteýge vaktsina ǵana balama bolatynyn atap ótti.
Esterińizge sala keteiik, Qazaqstanda koronavirýs infektsiiasyna qarsy jappai vaktsinalaý Memleket basshysynyń tapsyrmasy boiynsha 2021 jylǵy 1 aqpanda bastaldy.
