Óńirlerde ana ólimi azaimai tur. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Óńirlerde ana ólimi azaimai otyr. Óitkeni, bosandyratyn maman tapshy, meditsinalyq tehnikamen tolyq jabdyqtalmaǵan, mamandardyń biliktiligi jetkiliksiz, shalǵai aýdandardaǵy júkti áielder men balalarǵa meditsinalyq kómek kórsetý logistikasy pysyqtalmaǵan. Oblystyq klinikalardyń aýdandyq uiymdarmen kýratsiiasy nashar, sondai-aq kadrlar jappai jeke klinikalarǵa ketýde. Náreste ólim-jitiminiń kórsetkishi 1 myń tiri týǵanǵa shaqqanda 7,79-dy qurady, nysanaly máni 10,1. Kórsetkishke qol jetkizildi»,- dedi Marat Shoranov ministrliktiń keńeitilgen alqa otyrysynda.
Onyń aitýynsha, 2020 jyly dene shynyqtyrý jáne sportpen shuǵyldanatyn azamattar 31,6 paiyzdy qurady. Barlyq óńirde jetistik baiqalady. AITV-men aýyratyn adamdardy antiretrovirýstyq terapiiamen qamtý jospary respýblika boiynsha 71 paiyzdy quraidy. Kórsetkish 73 paiyzǵa oryndaldy.
Sonymen qatar birinshi vitse-ministr jol-kólik oqiǵalary saldarynan ólim-jitim deńgeii respýblika boiynsha 100 myń turǵynǵa shaqqanda 10,6 quraityndyǵyn aitty. Osy kórsetkish boiynsha Aqmola oblysyn qospaǵanda, ózge óńirlerde oń ózgeris baiqalady.
Respýblika boiynsha týberkýlezben syrqattaný kórsetkishi 100 myń turǵynǵa shaqqanda 35,7-ni qurady. Óńirler maqsatty kórsetkishke qol jetkizdi.
«Koronavirýs infektsiiasymen bailanysty shekteý is-sharalary osy kórsetkishterdiń tómendeýine aitarlyqtai áser etti», - dedi ol.
