«Ónerkásiptik saiasat týraly» týraly zań jobasy Parlament Májilisiniń jumys tobynyń qaraýynda jatyr, dep habarlaidy "Ult aqparat".
Atalmysh zańdy daiyndaýdy Memleket basshysy Qasym-Jomart Toqaev tapsyrǵan bolatyn. Indýstriia jáne infraqurylymdyq damý ministrligine qarasty ónerkásip saiasaty departamentiniń direktory Laýra Sadykovanyń aitýynsha, qazir qujat jobasy Májilistiń qaraýynda jatyr.
«Zań jobasynda ekonomikalyq, ákimshilik, quqyqtyq, institýtsionaldyq jáne basqa jaǵdailardy qamtityn ónerkásiptik klimat uǵymyn engizý kózdelip otyr. Ózderińizge belgili búgingi tańda óndiriske qatysty fýnktsiialar ártúrli vedomstvalar arasynda bólingen. Zań jobasynda Ónerkásiptik saiasat jónindegi vedomstvoaralyq komissiia qurý kózdeledi. Onyń músheleri memlekettik organdar basshylarynyń orynbasarlary, ónerkásiptik kásiporyndardyń ókilderi, qoǵam qairatkerleri, depýtattar jáne basqa da múddeli tulǵalar bolady dep kózdelýde», - deidi ministrlik ókili.
Onyń málimetinshe, vedomstvoaralyq komissiia Úkimet atynan halyqaralyq kelissózderge daiyndyq júgizetin quzyretke ie bolmaq.
«Vedomstvoaralyq komissiia kelesi quzyretterge ie bolady dep otyrmyz. Jańa yntalandyrý sharalaryn engizý, qoldanystaǵy yntalandyrý sharalaryn qaita qaraý nemese joiý týraly Úkimetke usynystar qalyptastyra alady. Indýstriialyq saiasat boiynsha halyqaralyq uiymdarmen kelissózderge Úkimettiń pozitsiiasyn daiyndaýǵa quzyretti bolady. Ónerkásiptik saiasat máseleleri boiynsha memlekettik organdar arasyndaǵy kelispeýshilikter týraly sheshim qabyldap, atalmysh saiasattyń iske asyrylýy týraly esepterdi tyńdaityn bolady», - dedi Laýra Sadykova.
